ក្រុមហ៊ុនជប៉ុន AEON បានចុះហត្ថលេខាលើអនុស្សរណៈនៃការយោគយល់គ្នា ជាមួយគណៈកម្មាធិការប្រជាជនខេត្ត Bac Ninh សម្រាប់ការសាងសង់ផ្សារទំនើប ដែលមានទំហំទឹកប្រាក់ ១៩០ លានដុល្លារនៅឆ្នាំ ២០២២ ។
ក្នុងនោះដែរ អនុប្រធានគណៈកម្មាធិការប្រជាជនខេត្ត Bac Ninh លោក Vuong Quoc Tuan បានមានប្រសាសន៍ថា ខេត្តនឹងផ្តល់ការគាំទ្រសម្រាប់គម្រោងសំខាន់ ដើម្បីដំណើរការឲ្យបានឆាប់រហ័សតាមដែលអាចធ្វើទៅបាន។
ជាមួយគ្នានេះ អគ្គនាយករងនៃផ្សារទំនើប AEON Mall Vietnam លោក Nakagawa Tetsuyuki បានមានប្រសាសន៍ថា ផលិតផល និងកសិដ្ឋានបែបប្រពៃណីរបស់ខេត្ត Bac Ninh នឹងត្រូវដាក់លក់នៅតាមហាងហើយអាចនឹងត្រូវនាំចេញទៅប្រទេសជប៉ុនទៀតផង។ លោកបានបន្ថែមថា ការងារប្រហែល ៣ ០០០ នឹងត្រូវបានបង្កើតឡើង។
គួរឲ្យដឹងដែរថា AEON មានផ្សារទំនើបចំនួន ៦ នៅទីក្រុង Ho Chi Minh, Hanoi, Hai Phong និងខេត្ត Binh Duong។ ក្រុមហ៊ុននេះគ្រោងនឹងបង្កើតផ្សារឲ្យបាន ២០ កន្លែង នៅទូទាំងប្រទេសវៀតណាម នៅឆ្នាំ ២០២៥ ជាមួយនឹងការវិនិយោគសរុបចំនួន ២ ពាន់លានដុល្លារ៕