ហេតុអ្វីបានជាទូរសព្ទដៃភាគច្រើន ខំចាក់ទឹកចូលផង ដាក់ត្រាំទឹកផងវានៅតែមិនខូច លើសពីនេះថែមទាំងដាក់់ចូលក្នុងស៊ុប Hot Pot ទៀតក៏វានៅតែមិនខូច តើវាពិតដូចជាការផ្សព្វផ្សាយដែលឬទេ?
ចំពោះចម្លើយនោះគឺ វាមានពិតខ្លះ និងមិនពិតខ្លះ ដោយសារតែស្មាតហ្វូនភាគច្រើននាពេលបច្ចុប្បន្ននេះត្រូវបានរចនាឡើងដោយប្រើបច្ចេកវិទ្យាការពារពីទឹក និងការប៉ះទង្គិច។ ជាឧទាហរណ៍ ដូចជា IP67 និង IP68 គឺវាអាចការពារស្មាតហ្វូនពីការចូលទឹកក្នុងជម្រៅ 1 ទៅ 2 ម៉ែត្រ ក្នុងរយៈពេល 30 នាទី ឯណ្ណោះ។ មិនត្រឹមតែប៉ុណ្ណោះ វាក៏ប្រើប្រាស់នូវបច្ចេកវិទ្យា Gorilla Glass និង Ceramic Shield ផងដែរ ដែលជួយធ្វើឱ្យអេក្រង់ និងសម្បកខាងក្រៅរឹងមាំ ដែលអាចការពារពីការធ្លាក់ ឬការវាយ និងប៉ះញឹកញាប់។
អ្វីដែលសំខាន់ទៀតនោះ គឺស្មាតហ្វូនមួយចំនួនថែមទាំងមានប្រព័ន្ធកាត់កម្តៅ ដែលអាចទ្រាំទ្រទឹកក្តៅក្នុងកម្រិតមួយទៀតផង តែវាមិនខ្ពស់ពេកនោះទេ (ប្រហែល 40 ទៅ 50°C) ដោយសារតែការរចនាដោយសម្ភារៈធន់នឹងសីតុណ្ហភាពខ្ពស់។
ចុះអញ្ជឹងតើនៅពេលណាដែលស្មាតហ្វូនអាចខូច?
- ចំណុចទី ១ នោះគឺ ធ្លាក់ចូលទឹកជម្រៅលើសពី 2 ទៅ 3 ម៉ែត្រ ឬធ្លាក់ចូលទឹកអស់ពេលយូរ នោះវានឹងធ្វើឲស្មាតហ្វូនអាចខូចទោះបីជាមានអាវការពារក៏ដោយ។
- ចំណែកចំនុចទី ២ គឺទឹកក្តៅមានកម្តៅលើសពី 60°C , នៅពេលកម្តៅទឹកកាន់តែមានភាពក្តៅខ្លាំងនោះ វានឹងបំផ្លាញថ្ម និងគ្រឿងក្នុងរបស់ស្មាតហ្វូន។
- ចំពោះចំនុចទី ៣ វិញនោះ ដែលជាចំនុចចុងក្រោយគឺរងការវាយ ឬប៉ះខ្លាំង ឬធ្លាក់ពីកម្ពស់ខ្ពស់ (ត្រង់នេះ Admin ចង់បញ្ជាក់ថា ទោះស្មាតហ្វូនធន់ប៉ុណ្ណា ក៏មិនអាចស៊ូនឹងការធ្លាក់រាល់ថ្ងៃបានដែល ទោះជារូបរាងផ្នែកខាងក្រៅវាមិនមានបញ្ហាអី ក៏ផ្នែក Hardware និង software របស់វាក៏អាចនឹងមានបញ្ហាដូចជាការគាំងមួយចំនួនផងដែរ៕