ញាក់សាច់! TECNO ចេញទូរស័ព្ទដៃសេរ៊ីថ្មីតម្លៃខ្ទង់ ៨០ដុល្លារ

កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ TECNO បានប្រកាសដាក់បង្ហាញចេញលក់ជាផ្លូវការនូវទូរស័ព្ទដៃសេរ៊ីថ្មី TECNO POP 9 ជាមួយតម្លៃលក់ខ្ទង់ ៨០ ដុល្លារ នៅក្នុងទីផ្សារប្រទេសឥណ្ឌា។

ពាណិជ្ជកម្ម

ទូរស័ព្ទដៃ TECNO POP 9 ទទួលបានអេក្រង់ទំហំ ៦,៦៧ អ៊ីញ 90Hz មានកម្រិតបង្ហាញ HD+ (1612 x 720 pixels) ដំណើរការដោយបន្ទះឈីប MediaTek Helio G50 ទំហំ 12nm ជាមួយនឹងប្រព័ន្ធប្រតិបត្តិការ​ Android 14 នៅលើ HiOS 14 ព្រមទាំងទទួលបាន RAM 3GB បូករួមជាមួយជម្រើសបន្ថែមចំនួន 3GB  និងអង្គផ្ទុក 64GB អាចបន្ថែមដល់ 1TB តាមរយៈ microSD អាចប្រើប្រាស់សុីមបានចំនួន២ ស្កេនម្រាមដៃនៅផ្នែកចំហៀង និងទទួលបានការអាប់ឌែតប្រព័ន្ធសុវត្ថិភាពក្នុងរយៈពេល ២ឆ្នាំ។

សម្រាប់កាមេរ៉ាគោលខាងក្រោយរបស់ទូរស័ព្ទដៃ TECNO POP 9 មានទំហំ 13MP បំពាក់ជាមួយ LED flash ចំនួន ២គ្រាប់ ខណៈកាមេរ៉ាមុខមានទំហំ 8MP ទទួលបាន LED flash ចំនួន ២គ្រាប់ ដូចគ្នា។ ចំណែកផ្នែកថាមពលវិញ ទូរស័ព្ទដៃនេះ ទទួលបានថាមពលថ្ម 5,000mAh គាំទ្រការសាកថ្ម 15W តាមខ្សែ។ លើសពីនេះទៅទៀត ទូរស័ព្ទដៃ TECNO POP 9 ក៏មានភ្ជាប់មកជាមួយមុខងារការពារជម្រាបទឹក និងធូលីកម្រិត IP54 និងគាំទ្រការតភ្ជាប់ 5G, 4G VoLTE, Wi-Fi 802.11 ac (2.4GHz + 5GHz), Bluetooth 5.០, GPS, USB Type-C និងទទួលបានរន្ធដោតកាសចំនួន១ បាសសម្លេង​ stereo speakers និងប្រព័ន្ធបច្ចេកវិទ្យាអូឌីយ៉ូឌីជីថល Digital Theater Systems (DTS)។

ចំពោះការរចនារបស់ទូរស័ព្ទដៃនេះ មានកម្រាស់ ៨,៣៥ ម.ម និងទម្ងន់ ១៨៩ ក្រាម និងទទួលបានជម្រើសពណ៌តួខ្លួនចំនួន៣ រួមមាន Glittery White, Lime Green និង Startrail Black ៕

ប្រភពៈ FoneArena