ចេញហើយ! ស្មាតហ្វូនលំដាប់ថវិកាសេរ៊ីថ្មី Vivo Y300 5G តម្លៃខ្ទង់ ២០០ដុល្លារ ជាង

ស្មាតហ្វូន Vivo Y300 5G ទទួលបានអេក្រង់ AMOLED ទំហំ ៦,៦៧ អ៊ីញ 120Hz មានកម្រិតពន្លឺ 1,800 nits និងកម្រិតបង្ហាញ Full HD+ (2400 ×1080 pixels) ដំណើរការដោយបន្ទះឈីប Snapdragon 4 Gen 2 ទំហំ 4nm ជាមួយ Adreno 710 GPU និងប្រព័ន្ធប្រតិបត្តិការ Android 14 នៅលើ Funtouch OS 14 ព្រមទាំងទទួលបាន 8GB និងអង្គផ្ទុក  128GB / 256GB ប្រភេទ UFS 2.2 និងអាចបង្កើនដល់ 1TB តាមរយៈ microSD ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។

សម្រាប់ផ្នែកកាមេរ៉ា Vivo Y300 5G ទទួលបានលេនគោលខាងក្រោយទំហំ 50MP ប្រើប្រាស់នូវសេនស័រប្រភេទ Sony IMX882 មាន aperture f/1.79 និងលេន portrait ទំហំ 2MP មាន aperture f/2.4 គាំទ្រ LED flash ចំនួន២ និងភ្លើង Aura light ខណៈកាមេរ៉ាផ្នែកខាងមុខមានទំហំ 32MP មាន aperture f/2.45។ ចំណែកផ្នែកថាមពលវិញ ស្មាតហ្វូននេះទទួលបានកញ្ជប់ថាមពលថ្មទំហំ 5,000mAh គាំទ្រការសាកល្បឿនលឿន 80W តាមខ្សែ ដែលអាចសាកបានថាមពល ៤៥ភាគរយ ក្នុងរយៈពេល ១៥នាទី។ លើសពីនេះទៅទៀត ស្មាតហ្វូន Vivo Y300 5G ក៏មានភ្ជាប់មកជាមួយនឹងអាវការពារទឹក និងធូលីកម្រិត IP64 រន្ធ​ USB Type-C audio បាសសម្លេង Stereo Speakers និងគាំទ្រការតភ្ជាប់ 5G, 4G VoLTE, Wi-Fi 5, Bluetooth 5.0, GPS និងរន្ធ USB Type-C។