កាលពីពេលថ្មីៗនេះ ក្រុមហ៊ុន ASUS បានធ្វើការដាក់បង្ហាញចេញជាផ្លូវការនូវស្មាតហ្វូនសេរ៊ីថ្មី ASUS ROG Phone 9 Series ជាមួយតម្លៃលក់ខ្ទង់ ៩៩៩,៩៩ ដុល្លារ សម្រាប់ ASUS ROG Phone 9 និងខ្ទង់ ១១៩៩,៩៩ ដុល្លារ សម្រាប់ ASUS ROG Phone 9 Pro នៅក្នុងទីផ្សារសហរដ្ឋអាមេរិក។
សម្រាប់ស្មាតហ្វូន ASUS ROG Phone 9 និង 9 Pro ទទួលបានអេក្រង់ Samsung E6 AMOLED 10-bit HDR ទំហំ ៦,៧៨អ៊ីញ មាន refresh rate 120Hz និង refresh rate ដល់ 185Hz សម្រាប់ការលេងហ្គេម (កើនឡើង 25Hz បើធៀបនឹងជំនាន់មុន) មានកម្រិតបង្ហាញ Full HD+ (2400×1080 pixels) និងកម្រិតពន្លឺ 2500 nits ប្រើប្រាស់នូវកញ្ជក់ Corning Gorilla Glass Victus 2 protection ដំណើរការដោយបន្ទះឈីប Snapdragon 8 Elite ទំហំ 3nm មានសមត្ថភាពដំណើការ CPU GPU NPU លឿនជាងមុខ ៤៥ និង ៤០ ភាគរយ បើប្រៀបធៀបនឹង Snapdragon 8 Gen 3 ជាមួយប្រព័ន្ធប្រតិបត្តិការ Android 15 នៅលើ ROG UI និងទទួលបាន RAM 12GB / 16GB / 24GB និងអង្គផ្ទុក 256GB / 512GB / 1TB ប្រភេទ UFS 4.0 ព្រមទាំងប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
បើនិយាយពីផ្នែកកាមេរ៉ា មានបំពាក់នូវសេនស័រកាមេរ៉ាគោលប្រភេទ Sony Lytia 700 Sensor ទំហំ 50MP មានមុខងារគ្រប់គ្រង់លំនឹង OIS បូករួមជាមួយលេនទូលាយ ultra-wide ទំហំ 13MP និងលេន macro ទំហំ 5MP សម្រាប់ថតវត្ថុជិតៗ សម្រាប់ (ROG Phone 9) និងលេន telephoto ទំហំ 32MP គាំទ្រការថត 3x Optical Zoom និង OIS សម្រាប់ (ROG Phone 9 Pro) ចំណែកកាមេរ៉ា selfie មានទំហំ 32MP ។
ចំណែកថាមពលថ្មស្មាតហ្វូន ASUS ROG Phone 9 និង 9 Pro ទទួលបានកញ្ជប់ថ្មទំហំ 5,800mAh ធំជាងមុន 300mAh អាចប្រើបានយ៉ាងហោចណាស់ ៤,៥ ម៉ោង ក្នុងការលេងហ្គេមធ្ងន់ និងគាំទ្រការសាកល្បឿនលឿន 65W តាមខ្សែ និង 15W Wireless ដែលអាចសាកពេញក្នុងរយៈពេល ៤៦នាទី និងគាំទ្រការតភ្ជាប់ដូចជា 4G VoLTE, 5G, Wi-Fi 7, Bluetooth 5.4, USB Type-C និងទទួលបានរន្ធដោតកាសចំនួន១ បាសសម្លេងចំនួន ២ចំនុច និងអាវការពារទឹក និងធូលីកម្រិត IP68 ជាដើម។
លើសពីនេះទៅទៀត ក្រុមហ៊ុន Asus នឹងផ្តល់ការអាប់ដេតប្រព័ន្ធប្រតិបត្តិការចំនួន២ ទៅកាន់ ROG Phone 9 និង 9 Pro ហើយនឹងចេញការអាប់ដេតសុវត្ថិភាពសម្រាប់រយៈពេល ៥ ឆ្នាំ ដែលជាការបន្ថែមមួយឆ្នាំបើធៀបនឹង ROG Phone 8 ។ ទន្ទឹមនឹងនេះផងដែរស្មាតហ្វូន ASUS ROG Phone 9 និង 9 Pro ក៏ទទួលបាននូវការអាប់ឌែតទៅលើប្រព័ន្ធ cooling system ប្រព័ន្ធ AniMe Vision ក៏ដូចជាប្រព័ន្ធផ្សេងៗទៀតជាដើមដើម្បីឲស្មាតហ្វូននេះមានការដំណើរការកាន់តែមានភាពប្រសើរឡើង។
ចំពោះការរចនារបស់ស្មាតហ្វូន ASUS ROG Phone 9 និង 9 Pro មានកម្រាស់ ៨,៩ ម.ម និងទម្ងន់ ២២៧ ក្រាម និងទទួលបានជម្រើសពណ៌ស ពណ៌ខ្មៅ សម្រាប់ Phone 9 និងជម្រើសពណ៌ខ្មៅ សម្រាប់ 9 Pro ។
អ្វីដែលពិសេសជាងនេះទៅទៀត ស្មាតហ្វូននេះគឺទទួលបានជម្រើសពិសេស ASUS ROG Phone 9 Pro Edition 24GB + 1TB ដែលភ្ជាប់មកជាមួយប្រព័ន្ធស្អំកម្តៅ AeroActive Cooler X Pro ជាមួយតម្លៃលក់ខ្ទង់ ១៤៩៩,៩៩ ដុល្លារ៕
ពាណិជ្ជកម្ម
