កាលពីពេលថ្មីៗនេះ បើយោងតាមសារព៌ត័មានបរទេសបាននិយាយថា ក្រុងហ៊ុនផលិតស្មាតហ្វូន OnePlus នឹងប្រកាសចេញជាផ្លូវការនូវស្មាតហ្វូនសេរ៊ីថ្មី OnePlus Ace 5 Series នៅក្នុងពេលឆាប់ៗខាងមុខនេះ នៅក្នុងទីផ្សារប្រទេសចិន ពោលគឺស្ថិតនៅក្នុងខែធ្នូរ បន្ទាប់ពីប្រកាសដាក់បង្ហាញចេញនូវស្មាតហ្វូន OnePlus 13 កាលពីពេលថ្មីៗនេះ។
ចំពោះស្មាតហ្វូនសេរ៊ីថ្មីនេះ មានចំនួន ២ម៉ូដែល រួមមាន OnePlus Ace 5 និង OnePlus Ace 5 Pro ហើយត្រូវបានរំពឹងថានឹងទទួលបានអេក្រង់ BOE X2 8T LTPO AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K ដំណើរការដោយបន្ទះឈីប Snapdragon 8 Gen 3 SoC ព្រមទាំងទទួលបានកញ្ជប់ថ្មទំហំ 6500mAh គាំទ្រការសាកល្បឿនលឿន 100W និងទទួលបានលេនគោលទំហំ 50MP លេនទូលាយ ultra-wide 8MP និងកាមេរ៉ាម៉ាក្រូ 2MP សម្រាប់ OnePlus Ace 5។
ពាណិជ្ជកម្ម
ទន្ទឹមនឹងនេះ OnePlus Ace 5 Pro ត្រូវបានរំពឹងថានឹងទទួលបានបន្ទះឈីប Snapdragon 8 Elite ជាមួយកញ្ជប់ថ្មទំហំ 6200mAh / 6300mAh ។
គួរឥដឹងថា ការប្រកាសចេញនូវស្មាតហ្វូន iQOO Neo 10 Series របស់ក្រុមហ៊ុន OnePlus គឺដើម្បីប្រកួតប្រជែងជាមួយ ស្មាតហ្វូន Redmi K80 Series របស់ក្រុមហ៊ុន Xiaomi ៕