[បរទេស] កាលពីពេលថ្មីៗនេះ ក្រុមហ៊ុន Samsung បានធ្វើប្រកាសដាក់បង្ហាញចេញជាផ្លូវការនូវស្មាតហ្វូន Samsung Galaxy A06 ជាមួយតម្លៃលក់ចាប់ពី ១៤១ ដុល្លារ ដល់ ១៥១ ដុល្លារ ក្នុងទីផ្សារប្រទេសវៀតណាម។
ស្មាតហ្វូន Samsung Galaxy A06 ទទួលបានបន្ទះអេក្រង់ ៦,៧ អ៊ីញ ប្រភេទ HD+ LCD ៩០ Hz មានកម្រិតបង្ហាញ ៧២០ x ១ ៦០០ pixels អាចស្កេនក្រយ៉ៅដៃបាននៅផ្នែកចំហៀងបាន។ ស្មាតហ្វូននេះ ដំណើរការដោយបន្ទះឈីប Octa Core MediaTek Helio G85 12nm និងប្រព័ន្ធប្រតិបត្តិការ Android 14 នៅលើ One UI ភ្ជាប់ជាមួយថាមពលថ្ម ៥ ០០០ mAh គាំទ្រការសាកល្បឿនលឿន ២៥ វ៉ាត់ និងទទួលបានរន្ធដាក់សុីមចំនួន ២ ចេញពីប្រអប់ ព្រមទាំងទទួលបានអង្គផ្ទុក ៤ GB | ៦ GB និងអង្គចងចាំ ៦៤ GB | ១២៨ GB ។
ពាណិជ្ជកម្ម
ចំណែកផ្នែកកាម៉េរ៉ាវិញ មានបំពាក់ជាមួយលេនទម្លុះអេក្រង់ខាងមុខមានទំហំ ៨ MP និងលេនគោលខាងក្រោយទំហំ ៥០ MP បូករួមទាំងលេនចាប់សញ្ញា depth sensor ទំហំ ២ MP ។ ក្រៅពីនេះទៀតក៏មានរន្ធ USB Type-C | Wi-Fi | Bluetooth 5.3 | GPS និងរន្ធដោតកាសទំហំ ៣,៥ មីលីម៉ែត្រ ចំនួន១ ផងដែរ៕