[បរទេស] កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ POCO បានធ្វើការប្រកាសគ្រោងដាក់បង្ហាញចេញនូវថេបប្លេត POCO Pad 5G ជាផ្លូវការនៅក្នុងថ្ងៃទី២៣ ខែសីហានេះ ជាមួយតម្លៃលក់ចាប់ពី ៣០២ ដុល្លារ។
ថេបប្លេត POCO Pad 5G ទទួលបានបន្ទះអេក្រង់ ១២,១ អ៊ីញ ប្រភេទ LCD 120Hz មានកម្រិតពន្លឺ ៦០០ nits និងកម្រិតបង្ហាញ 2560×1600 pixels ។ ថេបប្លេតនេះ ដំណើរការដោយបន្ទះឈីប Snapdragon 7s Gen 2 SoC និងប្រព័ន្ធប្រតិបត្តិការ Android 14 នៅលើ HyperOS ភ្ជាប់ជាមួយថាមពលថ្ម ១០ ០០០ mAh គាំទ្រការសាកល្បឿនលឿន ៣៣ វ៉ាត់ ព្រមទាំងទទួលបានអង្គផ្ទុក ៨ GB និងអង្គចងចាំ ២៥៦ GB ចេញពីប្រអប់។
ពាណិជ្ជកម្ម
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ ៨ MP និងកាមេរ៉ាខាងក្រោយទំហំ ៨ MP ។ ក្រៅពីនេះទៀតក៏មានបំពាក់ជាមួយរន្ធ USB Type-C រន្ធសម្លេងទំហំ ៣,៥ មីលីម៉ែត្រ រួមជាមួយ Wi-Fi 6 | Bluetooth 5.2 | 5G និងជម្រើសពណ៌ចំនួន ២ រួមមាន ខៀវចាស់ និងប្រផេះ៕