កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Realme បានធ្វើការប្រកាសចេញលក់ជាផ្លូវការនូវស្មាតហ្វូនលំដាប់ថវិកាសេរ៊ីថ្មី Realme C63 5G ជាមួយតម្លៃចាប់ពី ១៣០ ដុល្លារ (អាស្រ័យតាមជម្រើស) ក្នុងទីផ្សារប្រទេសឥណ្ឌា។
ស្មាតហ្វូន Realme C63 5G បំពាក់ជាមួយបន្ទះអេក្រង់ ៦,៦៧ អ៊ីញ Full HD 120Hz មានកម្រិតពន្លឺ ៦២៥ nits និងកម្រិតបង្ហាញ 1604 x 720 pixels អាចស្កេនក្រយ៉ៅដៃបាននៅផ្នែកចំហៀងបាន។ ស្មាតហ្វូននេះ ដំណើរការដោយបន្ទះឈីប MediaTek Dimensity 6300 6nm និង Android 14 នៅលើ realme UI 5.0 ដោយទទួលបានថាមពលថ្ម ៥ ០០០ mAh គាំទ្រការសាកទំហំ ១០ វ៉ាត់ ចេញពីប្រអប់ ព្រមទាំងទទួលបានអង្គផ្ទុក ៤ GB | ៦ GB | ៨ GB និងអង្គចងចាំ ១២៨ GB អាចប្រើសុីមបានចំនួន ២ ។
សម្រាប់ការរចនាតួខ្លួនរបស់ Realme C63 5G មានការរចនាស្តើង ជាមួយនឹងកម្រាស់ត្រឹមតែ ៧,៩៤ មីលីម៉ែត្រ និងទម្ងន់ប្រហែល ១៩២ ក្រាម។ វាមាន ២ពណ៌ដ៏ស្រស់ស្អាតគឺ Amber Gold និង Forest Green ។
ចំណែកឯកាមេរ៉ាខាងមុខបំពាក់ជាមួយលេនទម្លុះអេក្រង់ទំហំ ៨ MP និងកាមេរ៉ាគោលខាងក្រោយទំហំ ៣២ MP ក្រៅពីនេះទៀតក៏មានបំពាក់ជាមួយរន្ធសម្លេង ៣,៥ មីលីម៉ែត្រ អាវការពារទឹក និងធូលី IP64 មុខងារស្កេនមុខដោះសោរ ក៏ដូចជា Wi-Fi, Bluetooth, GPS និងរន្ធ USB Type-C ជាដើម៕