ក្រុមហ៊ុនផលិតទូរស័ព្ទដៃ OnePlus បានធ្វើការដាក់បង្ហាញចេញជាផ្លូវការនូវស្មាតហ្វូនសេរ៊ីថ្មី OnePlus Nord 4 ជាមួយតម្លៃលក់ចាប់ពី ៣៨២ ដុល្លារ ដល់ ៤៥៩ ដុល្លារ ក្នុងទីផ្សារបរទេស។
ស្មាតហ្វូននេះនឹងបំពាក់ដោយអេក្រង់ទំហំ ៦,៧៤ អ៊ីញ Super Fluid AMOLED, Ultra HDR, 2150 nits, 1.5K resolution, 2772×1240 pixels និង 120Hz refresh rate ដំណើរការដោយប្រព័ន្ធ Qualcomm Snapdragon 7+ Gen 3, Adreno 732 GPU និង Oxygen OS 14.1 based on Android 14 ព្រមទាំងអង្គផ្ទុកនិងអង្គចងចាំ 8GB+128GB, 8GB+256GB និង 12GB+256GB ។
ទូរស័ព្ទនេះមាន ៣ ពណ៌ រួមមាន៖ Obsidian Midnight, Oasis Green និង Mercurial Silver colours ។
ចំពោះតួខ្លួនវិញ មានផ្ទៃផ្នែកខាងក្រោយចំនួន ២ ដោយផ្នែកខាងក្រោមគឺជាដែក និងផ្លាស្ទិករលោងនៅផ្នែកខាងលើ។ វាមានការរចនាគែមកោងបន្តិច និង bezels ស្តើង មិនតែប៉ុណ្ណោះស្មាតហ្វូននេះមានទម្ងន់ត្រឹមតែ ១៩៩,៥ ក្រាម និងកម្រាស់ ៨ ម.ម ព្រមទាំងទទួលបានថាមពលថ្ម 5,500mAh និងដុំសា ១០០ វ៉ាត់ SuperVOOC charging ថែមទៀតផង។
សម្រាប់ផ្នែកកាម៉េរ៉ាវិញ វាទទួលបានកាម៉េរ៉ាគោលខាងក្រោយទំហំ 50MP OIS បូកផ្សំនឹង 8MP Ultra-wide និង video recording up to 4K 60fps ខណៈកាម៉េរ៉ាខាងមុខមានទំហំ 16MP ។
គួរបញ្ជាក់ថា OnePlus Nord 4 មានមុខងារ AI គាំទ្រជាមួយនឹងមុខងារ Audio Summary, Screen Translate, LinkBoost និងមុខងារ AI ជាច្រើនផ្សេងទៀតនៅក្នុងកម្មវិធីកាមេរ៉ា។ លើសពីនេះទៅទៀត វាក៏មានបំពាក់មកជាមួយមុខងារការពារទឹក និងធូរលី IP54 និងម៉ាសុីនស្កេនម្រាមដៃនៅផ្នែកចំហៀងផងដែរ។