ស្ពានទ័ព ឬស្ពានទិព្វ ជាស្ពានដូនតាខ្មែរដែលមានប្រវែងវែងជាងគេបំផុតក្នុងចំណោមស្ពានបុរាណខ្មែរទាំង ១០០ ដែលមានទីតាំងស្ថិតនៅក្នុងភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ ជាប់នឹងព្រំប្រទល់នៃខេត្តសៀមរាប។
ពាណិជ្ជកម្ម
ស្ពានទ័ព ត្រូវបានសាងសង់ឡើងនៅចន្លោះសតវត្សទី១២ និងទី១៣ ក្នុងរជ្ជកាលព្រះបាទជ័យវរ័ន្មទី៧ មានប្រវែងសរុប ១៥០ ម៉ែត្រ ទទឹង ១៥,៥០ ម៉ែត្រ និងកម្ពស់ ១០ ម៉ែត្រ និងរន្ធបង្ហូរទឹកចំនួន៣៥ ធ្វើឡើងពីថ្មបាយក្រៀមសុទ្ធលើកលែងតែបង្កាន់ដៃនាគ និងជើងទម្រ ដែលធ្វើពីថ្មភក់។
គួរបញ្ជាក់ផងថាស្ពាននេះត្រូវបានខូចខាតខ្លះដោយសារកង្វះការថែទាំដែលកម្ពស់ស្ពាននេះនាពេលបច្ចុប្បន្ននៅត្រឹមតែ ៤ ម៉ែត្រ ប៉ុណ្ណោះ និងមានព្រៃក្រាស់ដុះនៅជុំវិញផងដែរ។
