[បរទេស] ជារឿងដ៏គួរឲរំភើប ពេលនេះក្រុមហ៊ុនផលិតរថយន្តស្ព័ររបស់ក្រូអាតគឺ Rimac បានធ្វើការងាកមកផលិតរថយន្តតាក់ស៊ីវិញ ហើយឥឡូវនេះបានធ្វើការដាក់បង្ហាញនូវរូបភាពនឹងព័ត៌មានសំខាន់ៗមួយចំនួនរបស់រថយន្ត Verne Robotaxi ដែលគ្រោងនឹងចេញលក់ជាផ្លូវការនៅប្រទេសក្រូអាតនៅឆ្នាំ២០២៦ និងបន្តចែកចាយទៅតំបន់អឺរ៉ុប មជ្ឈិមបូព៌ា និងតំបន់ដែលមានសក្តានុពលផ្សេងទៀតនាពេលអនាគត។
រថយន្តនេះផលិតឡើងនៅលើគ្រោងឆ្អឹង Purpose-built platform បូកផ្សំនឹងបច្ចេកវិទ្យាបើកបរដោយស្វ័យប្រវតិ្តរបស់ក្រុមហ៊ុន Mobileye ធ្វើឲវាមានទំហំកាប៊ីនធំដែលមានបំពាក់់ រ៉ាដា, កាមេរ៉ា, ប្រព័ន្ធសម្លេង ១៧តំបន់, អេក្រង់បញ្ជាទំហំ ៤៣អ៊ីញ និងកៅអីចំនួន ២ សម្រាប់អ្នកដំណើរផងដែរ៕
គួរបញ្ជាក់ផងដែរថា រថយន្តតាក់សុីនេះនិងដំណើរការដោយថាមពលអគ្គិសនីសុទ្ធ និងអាចសារ៉េមុខងារផ្សេងៗដូចជា សម្លេង ពន្លឺ បានតាមចិត្តដោយប្រើប្រាស់កម្មវិធី Ride-hailing App ៕
