[បរទេស] ក្រុមហ៊ុន Apple បានបើកដំណើរការមុខងារផ្ទេរប្រាក់ Tap to Pay នៅលើ iPhone ជាផ្លូវការសម្រាប់អ្នកប្រើប្រាស់នៅប្រទេសអាល្លឺម៉ង់ ជាមួយការរំពឹងទុកថាវានឹងជួយសម្រួលពេលវេលានិងសុវត្ថិភាពក្នុងការចាយវាយរបស់អ្នកប្រើប្រាស់នៅលើពិភពលោក។
Tap to Pay បានបង្ហាញខ្លួនដំបូងនៅសហរដ្ឋអាមេរិកក្នុងឆ្នាំ ២០២២ ហើយបានពង្រីកខ្លួនទៅកាន់ប្រទេសអន្តរជាតិជាច្រើនរួមមាន ចក្រភពអង់គ្លេស បារាំង តៃវ៉ាន់ អូស្ត្រាលី ហូឡង់ ប្រេស៊ីល អ៊ុយក្រែន ជប៉ុន កាណាដា និងអ៊ីតាលី ហើយឲឡូវនេះគឺមាននៅប្រទេសអាល្លឺម៉ង់ហើយ។
មុខងារ Tap to Pay មានលក្ខណៈស្រដៀងគ្នាទៅនឹងប្រព័ន្ធប្រតិបត្តិការ Apple Pay ដែរគឺវាប្រើប្រាស់ប្រព័ន្ធបច្ចេកវិទ្យាសុវត្ថិភាព NFC ដែលអនុញ្ញាតឱ្យពាណិជ្ជករទូទាត់ប្រាក់ដោយមិនចាំបាច់ប៉ះ គឺគ្រាន់តែប្រើប្រព័ន្ធប្រតិបត្តិការ iOS ដូចគ្នាចាប់ពីសេរ៊ី iPhone Xs ឡើង, Apple Watch ឬកាត NFC គឺអាចផ្ទេរប្រាក់បានហើយ។