[ទីផ្សារបរទេស] ក្រុមហ៊ុនផលិតរថយន្ត Nio បានធ្វើការចេញលក់ជាផ្លូវការនូវរថយន្តអគ្គិសនី Nio EL8 ប្រភេទ SUV ៥កៅអី នៅក្នុងប្រទេសអាល្លឺម៉ង់ ជាមួយនឹងតម្លៃលក់ចាប់ពី ៨៨,០០០ដុល្លារ នៅលើទីផ្សារ ហើយគ្រោងចែកចាយជាបន្តបន្ទាប់ទៀតនៅអឺរ៉ុប។
សម្រាប់រូបរាងខាងក្រៅរថយន្តនេះមានប្រវែងតួខ្លួនសរុប ៥,០៩៩ ម.ម ទទឹង ១,៧៥០ ម.ម កំពស់ ២,១៩៩ ម.ម និងប្រវែងគន្លាតកង់មុខ-ក្រោយ ២,៩៥០ ម.ម ដែលមានការរចនាលក្ខណៈបែបស្ព័រ ជាមួយប៉ាណាមុខបិទជិត ចង្កៀងមុខ-ក្រោយ LED ដ៏ស្លីម ព្រមទាំងប្រើប្រាស់ថាសកង់ស្ព័រជាដើម៕
រថយន្តនេះដំណើរការដោយថាមពលអគ្គិសនីសុទ្ធចំនួន ២ មុខ-ក្រោយ ផ្គួបជាមួយអាគុយទំហំ ៧៥ និង ១០០គីឡូវ៉ាត់អាចផលិតកម្លាំងសរុបបានចំនួន ៦៤៣សេះ និងកម្លាំងរមួល ៦២៧ញ៉ូតុនម៉ែត្រ និងអាចបើកបរបានចម្ងាយសរុបចាប់ពី ៤៦៣ ទៅ ៥០៨គីឡូម៉ែត្រ នៅពេលសាកថ្មពេញម្តង និងរត់ស្ទុះពី ០ ទៅ ១០០គីឡួម៉ែត្រ ចំណាយពេល ៤,១វិនាទី។
ខណៈផ្នែកខាងក្នុងមានមានបំពាក់អេក្រង់ឌីជីថលនិងអេក្រង់ touchscreen ថ្មីទំហំ ១២,៨អ៊ីញ ជាប្រភេទអេក្រង់ភ្លោះ និងអេក្រង់ខាងក្រោយទំហំ ៦,៦អ៊ីញ ប្រព័ន្ធសំឡេងមួយជុំ ២៣ចំនុច, ភ្លើង ambient lighting, laminated glass និងរ៉ាដា ៣៣គ្រាប់ ជាដើម៕
ប្រភពៈ Carscoops