ក្រុមហ៊ុនផលិតស្មាតហ្វូនចិន បានប្រកាសថាខ្លួននឹងលែងផលិតស្មាតហ្វូនតទៀតហើយ ដោយចាប់ពីពេលនេះទៅនឹងផ្ដោតលើឧបករណ៍អនាគតដែលដឹកនាំដោយបច្ចេកវិទ្យា AI។
ពាណិជ្ជកម្ម
ប្រធានក្រុមហ៊ុន ជាមួយនាយកប្រតិបត្តិរបស់ Meizu បានបកស្រាយថាការផ្លាស់ប្ដូររបត់អាជីវកម្មនេះ បានចាប់ផ្ដើមកាលពីឆ្នាំមុន ពេលដែលក្រុមហ៊ុនបានប្ដូរពីក្រុមហ៊ុនផលិតស្មាតហ្វូនមកជាក្រុមហ៊ុនអេកូឡូស៊ីវិញ។
ប្រធានក្រុមហ៊ុន Meizu បាននិយាយថាទីផ្សារស្មាតហ្វូនលែងយកភាពច្នៃប្រឌិតជាចំណុចនាំមុខទៀតហើយ ផ្ទុយទៅវិញក្រុមហ៊ុនធំៗបានផ្ដោតលើការបន្ថែមទំហំមេមូរី បំពាក់កាមេរ៉ាធំជាងមុន និងបង្កើនទំហំថ្មជាដើម។
ជាមួយការប្រកាសនេះ មានន័យថាការអភិវឌ្ឍនៃស្មាតហ្វូន Meizu 21 Pro, Meizu 22 និង Meizu 23 ត្រូវបានរំសាយចោលជាផ្លូវការ ហើយ Meizu 21 គឺជាស្មាតហ្វូនចុងក្រោយរបស់ក្រុមហ៊ុន៕