Galaxy S24 Ultra ទើបបានបញ្ចេញជាផ្លូវការ វាប្រើស៊ុមការពារថ្មីប្រភេទ ទីតានីញ៉ូម មានភាពរលោងនិងរឹងមាំ និងមានអេក្រង់រាបស្មើ ៦,៨អ៊ិញ មានកម្រិតបង្ហាញ QHD+ និងមានពន្លឺខ្លាំងជះអស់ 2600nits។
វាបំពាក់បន្ទះឈីប Snapdragon 8 Gen 3 លើគ្រប់ទីផ្សារទាំងអស់។ បន្ទះឈីបថ្មីនេះ ក៏បានបើកដំណើរការមុខងារ AI ទាំងមូលនៅលើ Galaxy S24 Ultra ផងដែរ ដូចជាមុខងារ Live Translate, Interpreter សម្រាប់បកប្រែផ្ទាល់ៗពេលឆ្លងឆ្លើយជាមួយអ្នកដទៃដែលនិយាយភាសាផ្សេង, Chat Assist ជាមុខងារបកប្រែដែលមានលើក្ដារចុច Samsung ស្រាប់។ ដោយមុខងារទាំងនេះ អាចប្រើបាន ១៣ភាសា។
វាក៏មាន មុខងារ Android Auto អាចសង្ខេបសារ និងណែនាំឆ្លើយតប ឬផ្ញើនរណាម្នាក់ឱ្យ ម៉ោងត្រូវទៅដល់ ឬ ETA របស់អ្នកជាឧទាហរណ៍ឱ្យមើលជាមុនទៀតផង។
ក៏មានមុខងារ Circle to Search Circle ជាមុខងារស្វែងរកដំណើរការដោយ សហការជាមួយ Google។ អ្នកគ្រាន់តែចុចឱ្យយូរលើប៊ូតុង Home នោះអ្នកនឹងអាចគូសរង្វង់, highlight, គូសលើ ឬប៉ះលើអេក្រង់ ដើម្បីស្វែងរកលើអនឡាន ដូចជាការស្វែងរកក្នុងរូបថតជាដើម។
Galaxy S24 Ultra ទើបបំពាក់លែនថ្មី 50MP មានកម្រិត Optical Zoom 5x និង x10 ក្រៅពីនេះ គឺបន្តមាន លែន 200MP ជាលែនគោល, 12MP ជា ultrawide និង 10MP មានកម្រិត x3 រីឯកាមេរ៉ាមុខ 12MP។ ចំពោះផ្នែករូបភាពនេះ ត្រលប់ទៅ AI វិញ គឺមានមុខងារ ProVisual Engine អាចលុប objects និងឱ្យ AI បំពេញផ្ទៃទទេនោះបាន ជាមួយនឹង Generative Edit។
S24 ulra មានជម្រើសពណ៌ Titanium Gray, Titanium Black, Titanium Violet និង Titanium Yellow ដោយតម្លៃដាក់លក់ចាប់ពី ១៣០០ដុល្លារ 12GB/256GB៕