Honor បានបញ្ចេញ X50 series កាលពីរដូវក្ដៅ ២០២៣ មាន៣ម៉ូឌែល ហើយម៉ូឌែលទី៤នេះ X50 GT ដែលមានរូបរាងគួរឱ្យចាប់អារម្មណ៍នេះ នឹងប្រកាសចេញ ខែមករា ថ្ងៃទី៤ ២០២៤។
ស្មាតហ្វូននេះមើលទៅដូចជា Honor X50 ប៉ុន្តែនឹងមានពណ៌សស្អាត ឆ្នូតពណ៌លឿង និងមានពណ៌ខ្មៅផងដែរ។
ពាណិជ្ជកម្ម
ស្មាតហ្វូននេះមានទំហំ ៦,៧៦អ៊ិញ មានអេក្រង់កោង និងបំពាក់ជាមួយលែន 108 MP ធ្វើឱ្យប្រសើរទៅលើប្រព័ន្ធកាត់បន្ថយកំដៅម៉ាស៊ីន ធ្វើឱ្យការលេងហ្គេមបានប្រសើរ។ ដោយនឹងបំពាក់បន្ទះឈីប Snapdragon 8+ Gen 1 ខ្នាត 4nm។
ចំពោះថាមពលថ្ម គឺមានទំហំធំ ៥៨០០ មីលីអំពែម៉ោង និងទ្រទ្រង់កម្លាំងសាក ៣៥វ៉ាត់។ យ៉ាងណាការប្រកាសចេញ នឹងសម្រាប់ទីផ្សារប្រទេសចិន ចំពោះតម្លៃ និងលក្ខណៈសម្បតិ្តផ្សេងៗ នឹងបង្ហាញបន្ថែមពេលប្រកាសចេញនោះ៕