ការលក់ស្រោមអនាម័យបានកើនឡើងខ្លាំងនៅក្នុងប្រទេសនានា រួមទាំងប្រទេសចិន បន្ទាប់ពីមានភាពធូរស្បើយពេលជំងឺកូវីដ១៩។
ពាណិជ្ជកម្ម
យោងតាមរាយការណ៍បានឲ្យដឹងថា ចំនួនលក់ស្រោមអនាម័យ Durex បានកើនឡើងទ្វេដង នៅក្នុងត្រីមាសដំបូងនៃឆ្នាំ ២០២១ បើប្រៀបធៀបនឹងរយៈពេលដូចគ្នាកាលពីឆ្នាំមុន។
ក្រុមហ៊ុន Reckitt ដែលជាក្រុមហ៊ុនមេរបស់ Durex បានឲ្យដឹងថា នៅពេលចាប់ផ្តើមកើតមានជំងឺឆ្លងរាតត្បាត មនុស្សបានរួមភេទតិចតួច ដោយសារតែខ្លាចឆ្លងជំងឺកូវីដ១៩។
ផ្ទុយទៅវិញ ក្រុមហ៊ុនខាងលើបាននិយាយថា ការលក់ Durex បានលោតខ្ពស់ នៅពេលច្បាប់គម្លាតសង្គមត្រូវបានបន្ធូរបន្ថយ នារដូវក្តៅ។ គួរឲ្យដឹងដែរថា ក្រៅពីប្រទេសចិន នៅសហរដ្ឋអាមេរិក និងតំបន់អឺរ៉ុប ក៏កើនឡើងតម្រូវការស្រោមអនាម័យនេះផងដែរ៕