ក្រុមហ៊ុនផលិតស្មាតហ្វូន OnePlus បានប្រកាសចេញជាផ្លូវការថា នឹងបញ្ជេញនូវស្មាតហ្វូនសេរ៊ីថ្មី OnePlus Ace 5 Series នៅក្នុងថ្ងៃទី ២៦ ខែធ្នូ ឆ្នាំ២០២៤ នៅក្នុងទីផ្សារប្រទេសចិន រួមមានម៉ូឌែល Ace 5 និង Ace 5 Pro បន្ទាប់ពីប្រកាសដាក់បង្ហាញចេញនូវស្មាតហ្វូន OnePlus 13 កាលពីពេលថ្មីៗនេះ។
ពាណិជ្ជកម្ម
ចំពោះស្មាតហ្វូនសេរ៊ីថ្មីនេះទាំង ២ម៉ូដែលនេះ ត្រូវបានរំពឹងថានឹងទទួលបានអេក្រង់ 8T LTPO AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2780×1264 pixels) ដំណើរការដោយបន្ទះឈីប Snapdragon 8 Gen 3 ទំហំ 4nm និង Snapdragon 8 Elite ទំហំ 3nm សម្រាប់ម៉ូឌែល Pro ជាមួយប្រព័ន្ធប្រតិបត្តិការ Android 15 នៅលើ ColorOS 15 និងទទួលបាន RAM 12GB / 16GB និងអង្គផ្ទុក 256GB / 512GB / 1TB ប្រភេទ UFS 4.0 ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
ចំពោះផ្នែកកាមេរ៉ាវិញ Ace 5 និង Ace 5 Pro ត្រូវបានរំពឹងថានឹងទទួលបានកាម៉េរ៉ាគោលខាងក្រោយទំហំ 50MP មាន aperture f/1.8 និងមុខងារជំនួយលំនឹង OIS បូករួមជាមួយលេនទូលាយ Ultra-Wide ទំហំ 8MP មាន aperture f/2.2 អាចថតបានមុំ ១២០ដឺក្រេ និងលេន macro សម្រាប់ថតវត្ថុជិតទំហំ 2MP មាន aperture (Ace 5) / លេនពង្រីក telephoto ទំហំ 50MP គាំទ្រការថត 2x Optical Zoom និង LED flash (Ace 5 Pro) ខណៈកាមេរ៉ាផ្នែកខាងមុខនឹងមានទំហំ 16MP មាន aperture f/2.4 ។
ចំណែកផ្នែកថាមពលថ្ម ទូរស័ព្ទដៃ Ace 5 និង Ace 5 Pro អាចនឹងទទួលបានកញ្ជប់ថ្មទំហំ 6,415mAh / 6,100mAh (Ace 5 Pro) គាំទ្រការសាកតាមខ្សែ 80W និង 100W (Ace 5 Pro)។ លើសពីនេះទៅទៀត ទូរស័ព្ទនេះ នឹងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS, USB Type-C និងទទួលបានរន្ធ USB Type-C audio និងបាសសម្លេង Stereo speakers ។ ក្នុងនោះ ការរចនារបស់ទូរស័ព្ទដៃ Ace 5 និង Ace 5 Pro អាចនឹងមានកម្រាស់ ៨,០២ ម.ម ៕
