យោងតាមព័ត៌មានថ្មីៗនេះ បាននិយាយថា ក្រុមហ៊ុន Samsung នឹងប្រកាសចេញនូវស្មាតហ្វូនសេរ៊ីថ្មី Galaxy S25 Series របស់ពួកគេនៅក្នុងថ្ងៃទី ២២ ខែមករា ក្នុងឆ្នាំ២០២៥ ខាងមុខនេះ នៅក្នុងព្រឹត្តិការណ៍ Galaxy Unpacked ក្នុងទីក្រុង San Jose រដ្ឋ California ចាប់ពីម៉ោង ១០ ព្រឹក PT / ១ថ្ងៃ ET ជាមួយនឹងការដាក់បង្ហាញនូវផលិតផលសំខាន់ៗមួយចំនួនទៀតផងដែរ នេះបើយោងតាមព័ត៌មានរបស់ tipster sondesix ដែលអាចទុកចិត្តបាននៅលើ X ។
ក្នុងនោះ ស្មាតហ្វូន Galaxy S25 Series ត្រូវបានរំពឹងថានឹងមានតម្លៃដូចគ្នានឹង S24 Series ដោយមានតម្លៃលក់ចាប់ពី ៧៩៩ដុល្លារ សម្រាប់ S25, ៩៩៩ ដុល្លារ សម្រាប់ S25+ និង ១ ១៩៩ សម្រាប់ S25 Ultra នៅក្នុងទីផ្សារសហរដ្ឋអាមេរិក ព្រមទាំងទទួលបានជម្រើស RAM 12GB / 16GB និងអង្គផ្គុក 128GB / 256GB / 512GB / 1TB ។
លើសពីនេះទៅទៀត Galaxy S25 និង Galaxy S25+ ត្រូវបានរំពឹងថានឹងទទួលបានជម្រើសពណ៌ Blue Black, Coral Red, Icy Blue, Mint, Navy, Pink Gold និង Silver Shadow ចំណែក Galaxy S25 Ultra វិញ ក៏ត្រូវបានរំពឹងផងដែរថានឹងទទួលបានជម្រើសពណ៌ Titanium Black, Titanium Gray, Titanium Jade Green, Titanium Jet Black, Titanium Pink Gold, Titanium Silver Blue និង Titanium White Silver ។
