កាលពីពេលថ្មីៗនេះ ក្រុមហ៊ុន Samsung បានប្រកាសដាក់បង្ហាញចេញជាផ្លូវការនូវកុំព្យូទ័រយួរដៃសេរ៊ីថ្មីរបស់ខ្លួនគឺ Samsung Galaxy Book4 Edge 15″ ក្នុងទីផ្សារតំបន់អឺរ៉ុប ជាមួយតម្លៃលក់ចាប់ពី ១ ១០៤ ដុល្លារ។
កុំព្យូទ័រយួរដៃ Samsung Galaxy Book4 Edge 15 បំពាក់ដោយអេក្រង់ FHD ទំហំ ១៥,៦អ៊ីញ 60Hz មានកម្រិតពន្លឺ 300 nits និងកម្រិតបង្ហាញ 1920×1080 pixels។ កុំព្យូទ័រយួរដៃនេះ ដំណើរការដោយបន្ទះឈីប Snapdragon X Plus 8-core ជាមួយ Qualcomm Hexagon NPU, Qualcomm AI Engine up to 45 TOPS, Qualcomm Adreno GPU និង Windows 11 ជាមួយ Samsung Knox security និង Microsoft Secured-core PC ព្រមទាំងទទួលបាន RAM 16GB និងអង្គផ្ទុកទិន្នន័យ 256GB | 512GB។
លើសពីនេះទៅទៀត កុំព្យូទ័រយួរដៃ Samsung Galaxy Book4 Edge 15 មានភ្ជាប់មកជាមួយកាម៉េរ៉ា Webcam ទំហំ 2MP 1080P HD, រន្ធ Microphone ចំនួន២, រន្ធសម្លេងចំនួន២, រន្ធ USB-C (4.0) ចំនួន១, រន្ធ Micro SD ចំនួន១, រន្ធដោតកាសចំនួន១, រន្ធ USB-A (3.2) ចំនួន១ និងរន្ធ HDMI 2.1 (Supports 4K@60Hz) ចំនួន១។
