ខាងក្រោមនេះគឺជាព្រែកជីកធំជាងគេទាំង ១០ ក្នុងពិភពលោក ៖
១) ព្រែកជីក Beijing-Hangzhou Grand Canal មានប្រវែង ១ ៧៧៦ គីឡូម៉ែត្រ និងមានទីតាំងស្ថិតក្នុងប្រទេសចិន។
ព្រែកជីកនេះមានប្រវែងវែងបំផុតក្នុងពិភពលោក និងជាប់ជាតំបន់បេតិកភណ្ឌពិភពលោករបស់អង្គការយូណេស្កូ វាតភ្ជាប់អាងទន្លេធំៗចំនួន ៥ របស់ប្រទេសចិន។
២) ព្រែកជីក Karakum, Turkmenistan មានប្រវែង ១ ៤៦៥ គីឡូម៉ែត្រ និងមានទីតាំងស្ថិតក្នុងប្រទេស Turkmenistan ។ ព្រែកជីកនេះត្រូវបានប្រើប្រាស់សម្រាប់ផ្គត់ផ្គង់ទឹកក្នុងពិភពលោក និងដើម្បីស្រោចស្រពដំណាំក្នុងតំបន់ដាច់ស្រយាលនៃប្រទេស Turkmenistan ។
៣) ព្រែកជីក Mississippi-Illinois មានប្រវែង ១ ២១៤ គីឡូម៉ែត្រ និងមានទីតាំងស្ថិតនៅសហរដ្ឋអាមេរិក។ ព្រែកជីកនេះគឺជាសរសៃឈាមដ៏សំខាន់សម្រាប់ការដឹកជញ្ជូនទំនិញពាណិជ្ជកម្មនៅសហរដ្ឋអាមេរិក។
៤) ព្រែកជីក Grand Canal មានប្រវែង ១ ០៩៤ គីឡូម៉ែត្រ និងមានទីតាំងស្ថិតក្នុងប្រទេសចិន សាងសង់ឡើងក្នុងកំឡុងគ.ស ៥៨១-៦១៨ គ.ស. វាបានដើរតួយ៉ាងសំខាន់ក្នុងការតភ្ជាប់តំបន់កសិកម្មរបស់ប្រទេសចិន។
៥) ព្រែកជីក Erie Canal មានប្រវែង ៥២៤ គីឡូម៉ែត្រ និងមានទីតាំងស្ថិតក្នុងសហរដ្ឋអាមេរិក។ ព្រែកជីក Erie មានតួនាទៅភ្ជាប់បឹង Great Lakes ទៅនឹងទន្លេ Hudson ដើម្បីបើកផ្លូវពាណិជ្ជកម្មថ្មី និងជួយសម្រួលដល់ការដឹកជញ្ជូន។
៦) ព្រែកជីក Suez មានប្រវែង ១៩៣,៣ គីឡូម៉ែត្រ និងមានទីតាំងស្ថិតក្នុងប្រទេសអេហ្ស៊ីប។ ព្រែកជីកស៊ុយអេ គឺជាផ្លូវទឹកយុទ្ធសាស្ត្រដែលអនុញ្ញាតឱ្យកប៉ាល់ឆ្លងកាត់រវាងសមុទ្រក្រហម និងសមុទ្រមេឌីទែរ៉ាណេ ដោយកាត់បន្ថយចម្ងាយធ្វើដំណើររវាងអាស៊ី និងអឺរ៉ុបបានយ៉ាងច្រើន។
៧) ព្រែកជីក Volga-Don មានប្រវែង ១០១ គីឡូម៉ែត្រ និងមានទីតាំងស្ថិតក្នុងប្រទេសរុស្ស៊ី។ ព្រែកជីកនេះបង្កើតទំនាក់ទំនងយ៉ាងសំខាន់រវាងប្រព័ន្ធទឹកនៅអឺរ៉ុប និងសមុទ្រកាសព្យែន។
៨) ព្រែកជីក Kiel Canal មានប្រវែង ៩៨ គីឡូម៉ែត្រ និងមានទីតាំងស្ថិតក្នុងប្រទេសអាល្លឺម៉ង់។ ព្រែកជីក Kiel គឺជាផ្លូវកាត់ដែលអនុញ្ញាតឱ្យកប៉ាល់ធ្វើដំណើររវាងសមុទ្រខាងជើង និងសមុទ្របាល់ទិក ជៀសវាងការចាំបាច់ក្នុងការរុករកជុំវិញឧបទ្វីប Jutland ក្នុងប្រទេសដាណឺម៉ាក។
៩) ព្រែកជីក Manchester Ship Canal មានប្រវែង ៥៨ គីឡូម៉ែត្រ និងមានទីតាំងស្ថិតក្នុងចក្រភពអង់គ្លេស។ ព្រែកជីកនេះតភ្ជាប់ទីក្រុង Manchester ទៅកាន់សមុទ្រអៀរឡង់ ដោយបានប្រែក្លាយទីក្រុងទៅជាមជ្ឈមណ្ឌលឧស្សាហកម្ម និងពាណិជ្ជកម្មដ៏សំខាន់នៅចុងសតវត្សទី១៩។
១០) ព្រែកជីក Corinth មានប្រវែង ៦,៣ គីឡូម៉ែត្រ និងមានទីតាំងស្ថិតក្នុងប្រទេសក្រិក។ ទោះបីជាមានប្រវែងខ្លីបន្តិចក៏ដោយ ព្រែកជីក Corinth គឺជាព្រែកជីកដ៏មានសារៈសំខាន់សម្រាប់បង្កើតផ្លូវឆ្លងកាត់រវាងឈូងសមុទ្រ Corinth និងឈូងសមុទ្រ Saron ។
គួរបញ្ជាក់ផងថា ព្រែកជីកហ្វូណនតេជោ គឺជាព្រែកជីកទី១ របស់កម្ពុជាដែលមានប្រវែង ១៨០ គីឡូម៉ែត្រ ទទឹង ១០០ ម៉ែត្រ ជម្រៅ ៥,៤ ម៉ែត្រ និងអាចទ្រទ្រង់នាវារហូតដល់ ៣,០០០ DWT ដែលត្រៀមបើកការដ្ឋាននៅថ្ងៃទី០៥ ខែសីហា ឆ្នាំ២០២៤ ខាងមុខនេះ ដែលតភ្ជាប់ កំពង់ផែស្វយ័តភ្នំពេញ ជាមួយ ក្រុងកែប និង ឈូងសមុទ្រថៃ ។ ព្រែកជីកនេះនឹងចាប់ផ្តើមពី ព្រែកតាកែវ នៃទន្លេមេគង្គ កាត់តាមព្រែកតាឯក នៃទន្លេបាសាក់ និងចុងក្រោយបញ្ចូលគ្នាជាមួយព្រែកតាហ៊ីងនៃទន្លេបាសាក់ក្នុងស្រុកកោះធំ។ ព្រែកជីកនេះនឹងតភ្ជាប់រាជធានីភ្នំពេញដោយផ្ទាល់ជាមួយនឹងកំពង់ផែសមុទ្រទឹកជ្រៅតែមួយគត់របស់ប្រទេសក្នុង ខេត្តព្រះសីហនុ និងកំពង់ផែថ្មីក្នុង ខេត្តកំពត ។ ផែនការបច្ចុប្បន្នរួមមានការសាងសង់ទំនប់ចំនួនបីដែលមានច្រកទឹក និងស្ពានចំនួន ១១ ដែលត្រូវបានគេរំពឹងថានឹងចំណាយប្រាក់អស់ ១,៧ ពាន់លានដុល្លារ។
