ប្រេងរបស់រុស្ស៊ីកាន់តែឡើងថ្លៃទៅ

[រុស្ស៊ី] ត្រឹមតែមួយខែប៉ុណ្ណោះ តម្លៃប្រេង Urals របស់រុស្ស៊ីបានកើនឡើងជិត ២០% ដោយសារតែតម្រូវការខ្លាំងពីអាស៊ី។ យោងតាមទិន្នន័យពីរដ្ឋាភិបាលរុស្ស៊ីបង្ហាញថាតម្លៃប្រេង Urals នៅក្នុងប្រទេសនៅតែកើនឡើង ដែលវាបង្ហាញថាតម្រូវការប្រេងរបស់រុស្ស៊ីនៅតែខ្លាំង។ ជាមធ្យមក្នុងអំឡុងពាក់កណ្តាលខែឧសភាដល់ពាក់កណ្តាលខែមិថុនា តម្លៃប្រេង Urals ជាមធ្យមគឺ ៨៧,៤៩ដុល្លារក្នុងមួយបារ៉ែល នេះ​បើ​យោង​តាម​ក្រសួង​ហិរញ្ញវត្ថុ​រុស្ស៊ី​បាន​ឲ្យ​ដឹង​ថា​នេះ​គឺ​កើន​ឡើង ២០ ភាគរយ​ធៀប​នឹង​ខែ​មុន​។

Urals នៅតែមានតម្លៃថ្លៃ ទោះបីជា EU ហាមឃាត់ការធ្វើពាណិជ្ជកម្មជាមួយក្រុមហ៊ុនរដ្ឋរុស្ស៊ីនៅថ្ងៃទី ១៥ ខែឧសភាក៏ដោយ។ ខណៈពេលដែលការបញ្ជាទិញនៅតែអនុញ្ញាតឱ្យទិញប្រេងនិងឧស្ម័នរបស់រុស្ស៊ី ពាណិជ្ជករមើលឃើញថាវាជាការហាមឃាត់ទាំងស្រុងលើការធ្វើអាជីវកម្មជាមួយក្រុមហ៊ុនថាមពលរុស្ស៊ី។

ទោះជាយ៉ាងណាក៏ដោយ ដោយសារការផ្តោតអារម្មណ៍លើទីផ្សារអាស៊ី និងក្រុមហ៊ុនតូចៗជាច្រើនដែលមានឆន្ទៈធ្វើអាជីវកម្មជាមួយរុស្ស៊ី លំហូរនៃប្រេង និងឧស្ម័នរបស់រុស្ស៊ីត្រូវបានរក្សាទុក។ ក្នុងរយៈពេល ១៣ ថ្ងៃដំបូងនៃខែមិថុនា ការនាំចេញប្រេងរបស់រុស្ស៊ីតាមបំពង់បង្ហូរប្រេង និងកំពង់ផែមានជាមធ្យម ៤,៦២ លានបារ៉ែលក្នុងមួយថ្ងៃ នេះបើយោងតាមការគណនារបស់ Bloomberg តែចំនួន​នេះ​គឺ​ទាប​ជាង​មួយ​ខែ​មុន​បន្តិច​ប៉ុណ្ណោះ៕