Zoom ចង់ទិញក្រុមហ៊ុន Cloud មួយ ក្នុងតម្លៃ ១៥ ពាន់លានដុល្លារ

ក្រុមហ៊ុន Zoom បានឲ្យដឹងកាលពីថ្ងៃអាទិត្យ ទី ១៨ ខែកក្កដា ថា ក្រុមហ៊ុនបានព្រមព្រៀងទិញក្រុមហ៊ុន cloud software មួយឈ្មោះ Five9 Inc ក្នុងប្រតិបត្តិការភាគហ៊ុនទាំងអស់ដែលមានតម្លៃប្រហែល ១៤,៧ ពាន់លានដុល្លារ។

យោងតាមប្រភពព័ត៌មានបានឲ្យដឹងថា ក្រុមហ៊ុន Five9 នឹងក្លាយជាអង្គភាពប្រតិបត្តិការរបស់ក្រុមហ៊ុន Zoom ហើយនាយកប្រតិបត្តិរបស់វា គឺលោក Rowan Trollope នឹងក្លាយជាប្រធានក្រុមហ៊ុន Zoom និងបន្តធ្វើជាប្រធានអង្គភាព បន្ទាប់ពីកិច្ចព្រមព្រៀងដែលត្រូវបានគេរំពឹងថានឹងបញ្ចប់នៅឆមាសទីមួយ នៃឆ្នាំ ២០២២។

គួរឲ្យដឹងដែរថា Zoom បាននិងកំពុងតែក្លាយជាកម្មវិធីដ៏ល្បី និងចំណូលចិត្តរបស់អ្នកវិនិយោគ ក្នុងរយៈពេលប៉ុន្មានឆ្នាំចុងក្រោយ ចាប់តាំងពីការឆ្លងរាលដាលនៃជំងឺកូវីដ១៩ ស្របពេលដែលអាជីវកម្ម និងសាលារៀនជាច្រើន បានទទួលយកសេវាកម្មរបស់វាដើម្បីប្រើប្រាស់៕