កាលពីថ្ងៃទី១៧ ខែវិច្ឆិកា ឆ្នាំ២០២២ កន្លងទៅនេះ ក្រុមហ៊ុន ខេមកូ ម៉ូធ័រ ខមភេនី ដែលអតិថិជនស្គាល់ច្បាស់ថាជា ក្រុមហ៊ុន Hyundai Cambodia បានប្រកាសជាផ្លូវការនូវការមកដល់នៃកំពូលរថយន្ត Hyundai Palisade ឆ្នាំ២០២៣។
Hyundai Palisade បានចេញលក់ជាលើកដំបូងក្នុងឆ្នាំ២០១៩ ដែលត្រូវបានដាក់នាមជា កំពូលរថយន្តSUV ដ៏ប្រណីតមួយក្នុងព្រះរាជាណាចក្រកម្ពុជា ឥឡូវនេះបានត្រឡប់មកវិញម្តងទៀតកាន់តែល្អឥតខ្ចោះ។
ស៊េរីឆ្នាំ២០២៣ នៅតែរក្សានូវគុណភាពល្អដូចស៊េរីមុន ជាពិសេសមុខងារសុវត្ថិភាពដែលទទួលបានពានរង្វាន់ និងម៉ាស៊ីន V6 ដែលមានកម្លាំងខ្លាំង ចំណែកផ្ទៃខាងក្នុងក៏រក្សានូវភាពប្រណីតដូចគ្នា មានស្បែក Nappa ដ៏ស្រស់ស្អាត និងកុងទ័រឌីជីថលកាន់តែទំនើប ព្រមទាំងរីករាយជាមួយបទពិសោធន៍ថ្មី អារម្មណ៍ថ្មីក្នុងការធ្វើដំណើរ។
Hyundai Palisade គឺជាកំពូលរថយន្តប្រភេទ SUV ដ៏ប្រណីតដែលលេចធ្លោជាមួយនឹងរូបរាងទាន់សម័យ ធំទូលាយ ផ្នែកខាងក្នុងប្រណីតមានផាសុកភាព ដូច្នេះហើយកំពូលរថយន្តប្រភេទSUV ដ៏គួរឱ្យកត់សម្គាល់ពីក្រុមហ៊ុន Hyundai គឺស័ក្តិសមនឹងពាក្យថា First Class For You៕
